Бас редактор бағаны

"Әлімсақ" журналының бас редакторы, филология ғылымдарының кандидаты

Нұрлан Көбегенұлы Нұрмаханов

 Бас кеспек болса да...

Журналға тіркелу

Валют бағамы

Ежедневные курсы валют в Республике Казахстан

Серіктестер

Материалдар

Бекайдар Аралбаев – зұлмат құрбаны

 Бекайдар Аралбаев 1896 жылы Сырдария облысы, Түркістан уезі, Жаңақорған болы­сында көшпенді дәулетті қазақ отбасында дү­ниеге келген. 1914 жылы Ақмешіт қаласында 4 кластық қалалық училищесінде білім алған. 1916 жылдың ІІ жарты жылдығында Жөлек аймақтық басқармасында алғашында санақшы, кейін тәржімашы қызметтерін атқарады. Ресейдегі Ақпан төңкерісінің алғашқы күн­дерінде Б.Аралбаев өз еркімен жұмыстан шығады, көп ұзамай мекеме де өз жұмысын тоқтатады.

1917 жылы Ақпан төңкерісінен кейін уезд орталығында революциялық ұйым құруға байланысты уезд кеңесіне әр болыстардан жіберілген делегаттар құрамында болады. Кеңес шешімімен уездік революциялық өкі­мет құрылып, Б.Аралбаевқа аймақтық комис­сар қызметі ұсынылады. Бұл қызметке тек 1917 жылы 14 қазанда билікке большевиктер келгеннен кейін заңды түрде тағайындалады. 1918 жылы 14 шілдеде сол уақыттағы Түркіс­тан өлкесіне қаталдығымен аты шыққан Атқару комитетінің председателі Гержодтың ықпа­лымен қызметінен босатылады. 1918-1919 ж.ж. болыстық атқару комитетінің мүшесі, жер бөлімінің меңгерушісі болады. 1919 жылы Перовскідегі Мұсылман бюросының ұсыны­сымен Коммунистік партия мүшелігіне қа­былданады. 1919 жылдың 6 желтоқсанынан 1920 жылдың 4 қаңтарына дейін Шиелі ауда­нында Халық сотында қызмет атқарады. Одан кейін Перовск Саяси бюросы меңгерушісінің орынбасары болып тағайындалады. 1920 жылы уездегі Кеңестер съезінің облсъезге делегат, облсъезде Сырдария облыстық атқару комитетінің Президиумының мүшесі болып сайланады. Алғашқы кездері Президиум хат­шысы, одан кейін атқару комитеті басқар­ма­сының бөлім меңгерушісі қызметін атқарады.

1921 жылы кезекті облсъезде Сырдария облысының Атқару комитетінің Председателі және Кеңестердің өлкелік съезінде ТурЦИК-тің мүшесі, ТурЦИК-тің кезекті пленумында Президиумның құрамына мүше болып сай­ланады. 1922 жылы облыстық съезде Б.Аралбаевтың еңбегі ескеріліп, Ішкі істер халық комиссариатына ауыстырылады.

1921-1922 ж.ж. Сырдария облысы қалалық комитетінің атқару бюросында мүше, әр түрлі комиссиялар мен экспедицияларға қатысты. 1922 жылы басмашыларды жою жөніндегі төтенше комитеттің председателі болды. 1925-1927 ж.ж. КазЦИК-тің жауапты хатшы­сы, 1932 жылы Қазақ өлкелік "Союзселоцентр" конторасының уәкілетті өкілі қызметін атқарады.

1927 жылы Қазақ Өлкелік Комитеті тарапынан Б.Аралбаев әлеуметтік тегін жасыр­ғаны үшін қатаң сөгіс алады. "1929 жылы байлар мен жартылай феодалға кәмпеске туралы алдын-ала хабарлап отырды, кәмпеске науқанын жүргізуге кедергі жасады. Елді колхоздастыруға қарсы болды. Жаңақорған ауданында елдің ауа көшуіне ықпал жасады" деген желеумен Қазақ Өлкелік Комитетінің шешімімен партиядан шығарылады. 1930 жылы Ф.Голощекиннің араласуымен БКП (б) 2 жылдық өтілімімен партия қатарына қабыл­данады. 1932 жылы Ақтөбе облысын­дағы мемлекеттік банкі конторасының меңгерушісі қызметін атқарады.

1932 жылы Б.Аралбаевтың 1919 жылдан бергі партиялық өтілін қайтару жөніндегі өтінішін Қазақ Өлкелік Комитеті қанағат­тандырмайды. Бұл туралы музей архивінде сақталған құжаттардың бірі - 1932 жылдың 1 ақпанындағы РЧЗ ПТ ПК-нің №731 пункті бойынша өткен отырыс хаттамасы үзіндісінің көшірмесінде Бенсонның баяндауымен 1896 жылы дүниеге келген Бекайдар Аралбаевтың 1919-1929 ж.ж. партия мүшесі, 1930 жылы партия кандидаты болғандығы және Союзсе­лоцентр өлкелік конторасының уәкілді қыз­меткері болғандығы айтыла келіп, 1927 жылы партияға кірерде әлеуметтік тегін жасырғаны және әкесін қолдағаны үшін Қазақ Өлкелік Комитеті (Қазөлком) Б.Аралбаевқа қатаң сөгіс жариялағандығы жазылады. 1929 жылдың 5 ақпанында Қазақ Өлкелік Комитеті (Қазөлком) Б.Аралбаевты байлардың дүние-мүлкін кәмпескелеу кезінде қателіктерге бой ұрғаны және партияның таптық саясатын бұрмалағаны, Кеңес өкіметіне қарсы топтармен қарым-қатынас орнатқаны үшін партия қатарынан шығарылғандығы туралы да баян етіледі. Сонымен қатар, 1929 жылдың 12 ақпанында Қазақ Өлкелік Комитетінің (Қазөлком) жалпы негіздемелеріне сүйеніп, Б.Аралбаевтың 6 айдан кейін партия қатарына қосылуына мүм­кіндік беру шешімін растағаны және 6 айдан кейін Бүкілодақтық Коммунистік партияның (большевиктер) Орталық Бақылау комис­сиясы (БК(б)П ОБК) тарапынан 1919 жылдан бергі партия өтілімен партия мүшелігіне қайта қабылдау туралу қаулы қабылдағаны көрсе­тіледі. Хаттама соңында Аралбаевты партия мүшелігіне шын мәнінде бекіткеннен кейін, Қазақ Өлкелік Комитетіне (Қазөлком) оның партиялық өтілін қарастыру тапсырмасын беруі қаулы етіледі.

1933 жылы «Кеңес өкіметіне қарсы ұлт­шыл­дық әрекеттер жасады» деген жалған айып тағылып, КарЛАГ-қа айдалады, кейін Мордва жеріндегі Темников лагеріне ауыстырылады. 1946 жылы еркіндікке шығады. 1946-1948 жыл­дары Самарқанда жібек маталар фабрика­сының директоры, Ташкент облысы Шыназ ауданындағы №3 асыл тұқымды мал шаруа­шылығы кеңшарында ферма меңгеру­шісі қызметтерінде болады.

1948 жылы мемлекеттік қауіпсіздік орган­дары тарапынан тұтқындалып төменде көрсетілген айыптар тағылды:

- 1920-1930 жылдары Алашорда буржуа­зиялық-ұлттық ұйымының жұмыс бағытына белсенді түрде тартылған;

- Алашорда ұйымының жетекшілерінің бірі болған;

- Кеңес өкіметіне қарсы астыртын қызметіне коммунистік партия мүшелерін тартқан;

- партия қатарында басшылық қызметтерді атқара жүріп, лауазымын асыра пайдаланған;

- 1928-1929 ж.ж. байларды кәмпескелеу туралы мәліметтерді таратып, ауыл байларына дүние-мүліктерінен айырылатынын  ескерткен;

- 1931 жылы Жаңақорған ауданындағы халықтың ауа көшуіне ықпал еткен.

Қамауда Б.Аралбаев тағылған айыптарды мойындайды. 1949 жылы 3 тамызда Мемле­кеттік Қауіпсіздік Комитетінің ерекше кеңе­сінің шешімімен Красноярск өлкесі, Енисей ауданы, Хохловое поселкасына жер ауда­рылып, көп ұзамай қайтыс болады. Б.Арал­баевтың өлімі туралы архивтік деректерде 1949 жылы 29 қарашада Енисей қаласындағы аудандық ауруханада пневмококты пери­тонитке шалдығып қайтыс болған. Алайда, қайда жерленгені көрсетілмеген. 1957 жылы Қазақ ССР Жоғары сотының қылмыстық істер жөніндегі сот коллегиясы тарапынан  КСРО  ОГПУ-дің 1934 жылы 29 наурыздағы шы­ғарған үкімі бойынша Б.Аралбаевқа тағылған айыптар негізсіз деп танылып, толық ақталды.

А.Беккулиева,

 

тарих ғылымдарының магистрі 

Пікір қалдыру


Қорғаныс саны
Жаңарту

Іздеу

Сауалнама

Сіз қалаған ұялы телефон қандай?

Айфон - 50%
Нокиа - 5.6%
Самсунг - 11.1%
Хуавей - 5.6%
LG - 27.8%

Дауыс саны: 18
The voting for this poll has ended on: 10 Қар 2018 - 00:00

Жоба туралы

Сыр өңірінің тумасы, қайсар қаламгер, ақын Зейнолла Шүкіровтің рухына арналған «Бір жұлдыз болып жанам мен» атты облыстық жас ақындар мүшәйрасы өтті.

 «Руханиятты жаңғырту» қоғамдық қоры мен республикалық әдеби-мәдени, тарихи-танымдық «Әлімсақ» журналы Зейнолла Шүкіровтің рухына арнап биыл төртінші рет дәстүрлі «Бір жұлдыз болып жанам мен» атты талантты жас ақындар мүшәйрасын ұйымдастырды. Биылғы жылдың жеңімпазы - М.Мәметова атындағы Қызылорда гуманитарлық колледжінің студенті Нәбира Ешниязова.

 

 

Редакцияға хат

Email:
Тақырып:
Текст:

Әлеуметтік желілер

Күнтізбе

<< < Қараша 2018 > >>
Дс Сс Ср Бс Жм Сб Жс
      1 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

As we continue our list of fantasy football”s top 101 PPR players of 2017 we have three players who have recently finished in the top-15 at their positions.

In fantasy football there will always be players who have an unexpected drop or rise from one year to the next. One player on today’s list was a top-six wide receiver in 2015. The next year,Vince Wilfork Jersey he wasn’t even a top-20 wide receiver.

The same can be said about a running back on today’s list who was a top-five running back in 2015. Last year, he wasn’t even a top-18 running back. Who are these players and what should we expect from them in 2017?

To be clear,J.J. Watt Jersey the top 101 PPR players are for re-draft leagues only. Here’s a look at players ranked No. 38-36:

Last season Patriots wide receiver Julian Edelman finished fourth in the NFL in receptions with 98. He also set a career-high in receiving yards with 1,106. In the end,Brian Cushing Jersey Edelman finished 2016 as the 15th PPR wide receiver. Unfortunately for Edelman, I see a regression coming his way in 2017.

The 2016 season was only the second time in Edelman’s eight-year career he played in all 16 games in a season. The other time came back in 2013. Going into 2017, the odds are against the 31-year old receiver to play in all 16 games in back-to-back years for the first time in his career. Even if he somehow manages to stay healthy for all 16 games, he’s sure to lose targets and receptions.

Last year Patriots star tight end Rob Gronkowski had a career-low 25 receptions. Gronk was never 100 percent during the 2016 season and only appeared in eight games. Going into 2017,DeAndre Hopkins Jersey he will be back to full strength. Also, the Patriots traded their 2017 first-round pick for Saints wide receiver Brandin Cooks. The former Oregon State Beaver will be the team’s new No.1 wide receiver.

Журнал туралы

«Әлімсақ» журналы – рухани серігіңіз

 Қазақтың ғасырлар қойнауынан тамыр тартқан, әлімсақтан келе жатқан хатқа түскен тарихының, ұлттық болмыс-бітіммен астасқан әдебиеті мен мәдениетінің, тілі мен дінінің, әдет-ғұрпы мен салт-дәстүрінің бірден-бір насихатшысы, Сыр бойының тарихында алғаш рет әдеби-мәдени, тарихи-танымдық бағытта жарық көрген «Әлімсақ» журналының оқырманына жол тартқанына алты жылға жуық уақыт болып қалды. 2009 жылдың сәуір айынан бастап алғашқы нөмірі жарыққа шыққалы бері қазақ әдебиеті мен тарихына қатысты мақалаларды ортаға салып, Сыр өңірінің мәдениеті мен өнерін насихаттап, облысымыздың бүгінгі мәдени, әлеуметтік дамуындағы өзгерістерді ақпараттандыруда журналдың қосып келе жатқан үлесі салмақты.