Бас редактор бағаны

"Әлімсақ" журналының бас редакторы, филология ғылымдарының кандидаты

Нұрлан Көбегенұлы Нұрмаханов

 Бас кеспек болса да...

Журналға тіркелу

Валют бағамы

Ежедневные курсы валют в Республике Казахстан

Серіктестер

ҚАРА ҚУ

Қазақ даласындағы бірден-бір шежірелі аймақ - Ақтөбе облысындағы Ырғыз өңірі. Сонан ба, осыдан қырық жылдан астам уақыт бұрын атақ-данқы алты алашқа әйгілі бұл жерде тұз-дәм бұйырып, ай жарым уақыт болғаным бар.

Ай жарым уақыт бойы бір топ балықшы осы өңірдің Ырғыз ауданына қарасты "Байтақ" көлінен емін-еркін су маржанын сүздік. Ау көзіне мың бұралып, қалашынан ілінген ылғи сары сазан. Сеп-семіз. Бұл көлде үйрек-қаз дегенің алты ай жаз жыртылып-айырылады. Кәдуілгі құс мылтығыңның түкке керегі жоқ. Құс атаулы, әсіресе, сүңгуір үйректерді сары сазанмен бірге ау көзінен ертелі-кеш жалықпай аршып алып жатасың.

Біз болған Ырғыз көліне таяқ тастам жерде Нұра өзені жайбарақат құйып жатыр. Жұп-жуас. Жергілікті тұрғындар "астының ағысы қатты" деп біздің өзен суына шомыл­мауымызды өтінген. Қайдан, біз анау емес, мынау емес кәдімгі асау Аралдан емеспіз бе? Ендеше бұл дегенің не тәйірі?!

Осы ақкөздігімізден бәріміз тапа тал түсте Нұраға кетіп қала жаздадық. Су ішкілігі бар екен әлгінің. Құдай сақтап қалды.

Оншақты күннен соң тап сол жерге қостанып-қораланып көшіп келдік. Ырғыздың бұл тұсы қалың қамысты ну жыңғыл екен. Қарауытып кісі көңіліне әлдеқандай үрей отын себелейді. Алдында сол жердегі ауылдың үлкендері: "Шырақтарым, бұл жердің бүге-шүгесін біле бермейсіңдер. Сырт бала­ла­рысыңдар. Осы тұста киелі қара қу бар көрінеді. Кісі көзіне көп шалына бермейді. Сонау соғыстың соңғы жылы балық аулауға келген әуесқой орекеңдердің (орыстардың) бірін зым-зия алып кетіпті. Құс қайығындағы серігі су жұтып, қақалып-шашалып жағаға әрең тырнақ іліктіріпті. Байқаңдар",- деп жиі-жиі ескертіп жүрген.

Бірақ біздер бұл жерге ит арқасы қияндағы Аралдан әлдеқайдағы үлкен адамның үрей төккен әңгімесінен үркіп-қорқу үшін келіппіз бе? Жоқ, айылымызды жимаймыз. Қайта жиырма жасқа жаңа ғана шыққан біздер үшін бәрі қызық. Бір кезде өзі төрткүл дүниені түгел шарлаған атақты Жюль-Верннің кейіпкерлерінен біздің қай жеріміз кем? Тәуекел!

...Балықшы атаулының таң алдындағы тәтті ұйқысын шырт бұзып, ау қарауға асығыс-үсігіс шығатын бұлжымас әдеті бар. Біз де сол күні таң қараңғысымен таласа-тармаса қос алдындағы қара қайыққа мініп қалың пішенді қақ жарып келе жатқанбыз.

Серігім:

-Анау не?- деді жайбарақат. Ойымда түк жоқ, мен:

- Қайда, нені айтып тұрсың? - деп ұйқылы-ояу қалғып-мүлгіп келе жатқанмын.

- Әне, анау шоқ қамыстың тұсында бірдеңе қарауытып тұр. Жоқ, жайлап жүзіп келе жатыр.

- О не?

- Білмеймін бізге қарай... Кенет серігім сөзінің соңын жұтып қойып, таяуға жармасты. Мен де апыл-ғұпыл көзімді уқалап жіберіп қарасам... Жүрегім атқақтап, зәрем ұшып кетті.

- Қара қу!

Тіліміз кәлимаға әзер келді. Айқайлап ну қамыстың о жер, бұ жерінде ау қарап жатқан серіктерімізді көмекке шақыруға қаралай қос үрейленіп тұрғанымыз. Кім білсін, ана жолы қара қу жайлы ескерткен қарт. "Киелі құс. Оны қорқытудың жөні жоқ. Қарсы ұмтылсаң өзіңді жазым етуі мүмкін" деген.

Үстімізде әлі таң сәулесі жү­гір­меген қара көк аспан. Жұл­дыз­дар да "бай­қаңдар" деген­дей қара қайық­тың түбінде қорқыныштан тастай қатып қалған бізге жалт-жұлт қарайды. Жан-жағымызда ну пішен. Асты­мыздағы Ыр­ғыздың атам заманғы тұңғиық суы қарауытып, о да біздерге аранын аша түсетін сияқты.

- Келе жатыр! Біздің қайығымыздың тұмсығы алдымыздағы шоқ қамысқа сыналай кіріп тұрған. Анау-мынау жел тұрмаса, қозғалар түрі жоқ. Әлгі серігімнің "келе жатыр" деген үрейлі сөзі үстімнен ұйытқып құйын өткендей қылды.

Қара қу міне, бізден таяқ тастам жерде жүзіп келе жатыр. Кәдімгі аққу. Тек мұның түсі шымай қара. Су бетінде тұтас бір төбешік салынды көшіп келе жатқандай. Мойынын иіп, қанаттарын оқтын-оқтын қомдап қояды. Қап-қара қыр төсімен тұнық суды қақ жарып жүзіп келеді...

Екеуміз қайық түбінде бүк түсіп жатырмыз. Құдды қасқырдан қашып тығылған қоянның көжектері секілдіміз. Зәре-иманымыз жоқ. Ойымызға жамандық дегенің он кіріп, он шығады.

- Қарашы-әй!

Серігім бүйірімнен түртіп қалды. Селк етіп барып, бойымды жинап алдым. Қайықтың ернегінен басымды қорқа-қорқа шақ созамын. Әне, әне!

Мойынын иіп алған дәу қара қу қайы­ғымыздың тұсынан өтіп барады. Басымды бұға қойдым.

Жанымдағы серігім бір кезде қайық ернегінен баспалай қарап:

- Тұсымыздан өтіп кетті, - деген соң ба­сым­ды қайта көтердім.

Шынында да қара қу артымыздағы шоқ қамыстың арасына сіңіп бара жатты...

Қосқа келген соң осы қара қу жайлы әріптестерімізге бас­тан-аяқ баяндап бердік. Сонда қос ағамыз тұрып:

- Қара қу кез келген кісіге кезіге бермейді. Мына отырған Жантас осыдан он шақты күн бұрын аққудың сыңа­рын атып алды... Осы қылығының жазасын әлі-ақ тартады бұл,- деп бір қойды да, қара қудың бағзы замандағы бір байдың еркек біткенге етегін түргізген қызы екенін, сонан қарғысқа ұшырап, осындай жағдайға душар болғанын баян етті.

Осы оқиғадан бері қырық жылдан астам уақыт өтті. Аққуды атып алған баяғы Жантастың бірер жылдан соң ағасы мен інісі кездейсоқ жағдайда бірден опат болды. Уыздай жас келіншегі бала үстінде қыршын кетті. Өзі болса елдің шетінде, желдің өтінде кісі көзінен таса жерде мекен етіп жүр дегенді естимін.

Міне, мен кездескен қара қудың қаралы тағдыры осындай еді.

 

Толыбай Абылаев

Пікір қалдыру


Қорғаныс саны
Жаңарту

Іздеу

Сауалнама

Қазір қай бағыттағы кітаптар оқылады?

Бизнес туралы - 53.8%
Әдеби - 7.7%
Мотивациялық - 0%
Шытырман оқиғалы - 7.7%
Саяхат туралы - 30.8%

Дауыс саны: 13
The voting for this poll has ended on: 17 Мам 2018 - 00:00

Жоба туралы

Сыр өңірінің тумасы, қайсар қаламгер, ақын Зейнолла Шүкіровтің рухына арналған «Бір жұлдыз болып жанам мен» атты облыстық жас ақындар мүшәйрасы өтті.

 «Руханиятты жаңғырту» қоғамдық қоры мен республикалық әдеби-мәдени, тарихи-танымдық «Әлімсақ» журналы Зейнолла Шүкіровтің рухына арнап биыл төртінші рет дәстүрлі «Бір жұлдыз болып жанам мен» атты талантты жас ақындар мүшәйрасын ұйымдастырды. Биылғы жылдың жеңімпазы - М.Мәметова атындағы Қызылорда гуманитарлық колледжінің студенті Нәбира Ешниязова.

 

 

Редакцияға хат

Email:
Тақырып:
Текст:

Әлеуметтік желілер

Күнтізбе

<< < Наурыз 2018 > >>
Дс Сс Ср Бс Жм Сб Жс
      2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

As we continue our list of fantasy football”s top 101 PPR players of 2017 we have three players who have recently finished in the top-15 at their positions.

In fantasy football there will always be players who have an unexpected drop or rise from one year to the next. One player on today’s list was a top-six wide receiver in 2015. The next year,Vince Wilfork Jersey he wasn’t even a top-20 wide receiver.

The same can be said about a running back on today’s list who was a top-five running back in 2015. Last year, he wasn’t even a top-18 running back. Who are these players and what should we expect from them in 2017?

To be clear,J.J. Watt Jersey the top 101 PPR players are for re-draft leagues only. Here’s a look at players ranked No. 38-36:

Last season Patriots wide receiver Julian Edelman finished fourth in the NFL in receptions with 98. He also set a career-high in receiving yards with 1,106. In the end,Brian Cushing Jersey Edelman finished 2016 as the 15th PPR wide receiver. Unfortunately for Edelman, I see a regression coming his way in 2017.

The 2016 season was only the second time in Edelman’s eight-year career he played in all 16 games in a season. The other time came back in 2013. Going into 2017, the odds are against the 31-year old receiver to play in all 16 games in back-to-back years for the first time in his career. Even if he somehow manages to stay healthy for all 16 games, he’s sure to lose targets and receptions.

Last year Patriots star tight end Rob Gronkowski had a career-low 25 receptions. Gronk was never 100 percent during the 2016 season and only appeared in eight games. Going into 2017,DeAndre Hopkins Jersey he will be back to full strength. Also, the Patriots traded their 2017 first-round pick for Saints wide receiver Brandin Cooks. The former Oregon State Beaver will be the team’s new No.1 wide receiver.

Журнал туралы

«Әлімсақ» журналы – рухани серігіңіз

 Қазақтың ғасырлар қойнауынан тамыр тартқан, әлімсақтан келе жатқан хатқа түскен тарихының, ұлттық болмыс-бітіммен астасқан әдебиеті мен мәдениетінің, тілі мен дінінің, әдет-ғұрпы мен салт-дәстүрінің бірден-бір насихатшысы, Сыр бойының тарихында алғаш рет әдеби-мәдени, тарихи-танымдық бағытта жарық көрген «Әлімсақ» журналының оқырманына жол тартқанына алты жылға жуық уақыт болып қалды. 2009 жылдың сәуір айынан бастап алғашқы нөмірі жарыққа шыққалы бері қазақ әдебиеті мен тарихына қатысты мақалаларды ортаға салып, Сыр өңірінің мәдениеті мен өнерін насихаттап, облысымыздың бүгінгі мәдени, әлеуметтік дамуындағы өзгерістерді ақпараттандыруда журналдың қосып келе жатқан үлесі салмақты.