Бас редактор бағаны

"Әлімсақ" журналының бас редакторы, филология ғылымдарының кандидаты

Нұрлан Көбегенұлы Нұрмаханов

 Бас кеспек болса да...

Журналға тіркелу

Валют бағамы

Ежедневные курсы валют в Республике Казахстан

Серіктестер

Муза

 

 

Қазақ поэзиясында өзіндік қолтаңбасы бар ақындардың бірі Қатира Сыздыққызы Жәленова. "Қызғалдақты көктем", "Аңсаған менің әнімсің", "Ақ гүлдер", "Балалар әлемі", "Кел, махаббат" атты кітаптардың авторы. Ақынның өлеңдері орыс тіліне аударылып, "Разбег", "Мадонны Турана" поэзия антологиясына енген. Поэзиялық туындылары республикалық басылымдарға жарияланып тұрады. Біз де өлең сүйер қауымға ақын Қатира Жәленованың жүрегінен жарып шыққан бірнеше жыр шумақтарын ұсынып отырмыз.


СЫРДАРИЯ

Сәлем бердім,

Сұлу Сыр,

Ізетпенен,

Сағынышымның

Моншағын тізбектеген.

Жыл құсындай

Жыл сайын қайта оралып,

Жыр маржанын

Өзіңнен іздеп келем.

 

Ұнайтындай өзіңе - еркелігім,

Толқындарың

Сырлы саз шертеді мың.

Туған жердің

Қарсы алып арай таңын,

Келіп тұрмын жағаңа ерте бүгін.

 

Арман қуып,

Тәтті ойдың жетегімен,

Бала болып

Бір сәтке кетемін мен.

Андағайлап

Жан-жақтан жармасады,

Тентек желің

Жұлқылап етегімнен.

 

Санамашы

Мені енді жатқа бүгін,

Саған деген

Қалаусыз ақ көңілім.

Толқыныңмен

Алысып өскен ем ғой,

Бұрымымды тарқатып ақ көбігің.

 

Ойхой, шіркін!

Бір аунап құмдағыңа

Еніп кетсем бір сәтке жыр-бағына.

Қайта оралса

Бал татқан балалық шақ

Кейін қарай шегініп жылдар мына...

 

Бұл өмірден

Демеймін кенже қалғам,

Таусылар ма, сірә да, мендегі арман?

Аңсап келдім,

Сұлу Сыр,

Құшағыңды аш,

Балалықтың базарын сенде қалған...

 

АЛМАТЫДАН ОРАЛДЫМ АҚМЕШІТКЕ

Алматыдан

Оралдым Ақмешітке,

Ақмешітке,

Туған жер талбесікке.

Біреу ұғар мұнымды,

Біреу ұқпас,

Сөз өрбітер

Неғылған жан десіп те...

 

Алаңдатып

Басқа жер,

Басқа қала,

Ауып жатса

Бәзбіреу астанаға,

Мен отырмын

Желпініп өз-өзімнен,

Жеттім-ау деп

Ауылым - баспанама.

 

Күндер өтті

Дес бермей өрекпіген,

Көре алмадым

Басқадай себепті мен.

Жас ұлғайып,

Көңілің ортайғанда

Кімге болсын

Туған жер керек білем...

 

Жастық мені

Жыраққа алып қашқан,

Жасын жұтып,

Жыр жаздым жалықпастан.

Алматыда

Ұзақ жыл ғұмыр кештім,

Ақын болып қаламы қалыптасқан.

 

Ащы-тұщы өмірім екшеленген,

Келіп тұрмын

Кезімде кекселенген.

Оралып кеп

Туған жер - қазығыма,

Қажетіне жарармын деп сенем мен.

 

Санадағы өзгертіп сан ұғымды,

Жаңарттым мен

Дүниетанымымды.

Айналайын,

Ағайын,

Жанашырым,

Сыртта жүріп

Ұқтым ғой қадіріңді...

 

Туған жерін

Түсірмес есіне кім?

Келбетіңді

Кеудеме көшіремін.

Бейнетіңді көтермей,

Сенен жырақ

Ғұмыр кешсем бейқам боп,

Кешір, елім!!!

 

БҮГІНГІНІҢ ӘЙГЕРІМІ, ТОҒЖАНЫ

Керек етпес,

Елең етпес,

Қоғам - мылқау, анық керең.

Ойлаңыздар,

Қайда қыздар,

Қайран, Мұхаң, дәріптеген?

 

Өзгерген бе,

Кез келгенде

Тоғысында ғасырлардың?..

Сәні де арман,

Әні де арман,

Әйгерімдей асыл жардың...

 

Жар сыйлаған,

Жарқылдаған

Ақылына сай көрігі,

Танылмайды,

Табылмайды,

Баяғының Әйгерімі!

 

Тілі балдай,

Толған айдай,

Тоғжан да жоқ толықсыған.

Үйден безіп,

Дала кезіп,

Көбісі жүр болып сыған...

 

Еркегі - үйде,

Әйел - түзде,

Апыр-ау, бұл неткен заман?

Жұмыссыздық

Жұртты жүн ғып,

Жігерін құм еткен заман.

 

Дорба асынып,

Жолға шығып,

Әйгерім жүр жарын бағып.

Секектеген,

Көкектеген,

Тоғжаным жүр жанын бағып.

 

Сырымды ұғын,

Бүгінгінің

Қыздарына алаңдаймын...

Сағым сынып,

Жаным күйіп,

Бір амалын таба алмаймын...

 

Сөзі - бұйым,

Өзі - құйын,

Сала құлаш төсеп тілін...

Таза сезім,

Қалған кейін,

Махаббат та есеп бүгін.

 

Қалталыдан

Жол торыған,

Жолбикелер жосылып жүр.

Адамнан да,

Заманнан да,

Жаным менің шошынып жүр.

 

Шырқыраймын,

Жыр құраймын,

Жай таба алар жаным қалай?

Пайда деп тым,

Қайда кеттің,

Қазағымның арулары-ай?!

ӨНЕР ӨЛСЕ...

Қалам

Қарын тойғызбасын ұғамын,

Ұға тұра,

Жазылады жыр-әнім.

Жасағаннан

Халқыма құт-береке,

Қаламыма

Ұзақ ғұмыр сұрадым!

 

Заман басқа,

Қоғам өңін өзгерткен,

Бәрі өтпелі екеніне

Көз жеткен.

Ақын - тұлға,

Өлең - өшпес мұра деп,

Өнеге қып

Өрекпіген кез де өткен...

 

Өнерді де

Тәуелді етіп өзгеге,

Ұқсаттық па

Қолын жайған кезбеге?..

Өнер өлсе,

Болады ғой ел жетім,

Жоқ осыны

Көретұғын көз неге?

 

Қалам

Қарын тойғызбасын білемін,

Біле тұра

Қалам түртіп жүремін.

О, жаратқан,

Өмірімнің өрнегі -

Сәби-өлең өлмесе екен,

Тілегім!

 

БЕСІК САТУ

Немереге аталып кәдесімен

Бесік келді нағашы әжесінен.

Шілдехана тойын бір

Тойлайықшы,

Жүретіндей

Шығармай ел есінен...

 

Үйдің жақсы болуы - ағашынан.

Бесік жақсы болуы - нағашыдан.

Бұл бесіктің көрейік

Саудаға сап,

Бағамдай бер сапасын

Бағасынан.

 

Бөпешімнің бесігі - теңге болар,

Бесік сату құқығы - менде болар.

Өткізейін,

Мақтауын келістіре,

Несібемді көбейтіп елден алар...

Бөпешімнің бесігі - күміс деймін,

Пұл шығарып.

Алғаның дұрыс деймін.

Періштелер "әумин!" деп

Қолдап тұрса,

Үйіңізге кірер құт, ырыс деймін.

 

Бөпешімнің бесігі - алтын деймін,

Бұны алғанның

Жүзі де жарқын деймін,

Ежелден-ақ,

Ел-жұртым құрмет тұтқан,

Ұлтымыздың

Бұл дәстүр-салтын деймін.

 

Бөпешімнің бесігі - жақұт деймін,

Бағы жанар

Алғанның сатып деймін.

Кеудесіне құйылып шұғыла-нұр,

Таңы күлер алдынан атып деймін.

 

Бөпешімнің бесігі - лағыл деймін,

Алған жанның

Тілегі қабыл деймін.

Сәби деген - періште,

Періште оймен

Тазарып бір

Күнәдан арыл деймін.

 

Бөпешімнің бесігі - маржан деймін,

Маржан әсте болмайды арзан деймін.

Ұлтымыздың ғұрпына үлес қосар,

Бұл саудаға қатысқан әр жан деймін.

Бесік алыңдар!!!

 

Қатира ЖӘЛЕНОВА

Пікір қалдыру


Қорғаныс саны
Жаңарту

Іздеу

Сауалнама

Бүгінде журналистерге қай сала мамандарынан ақпарат алу қиын?

Медицина - 57.1%
Прокуратура - 0%
Сот - 0%
Департаменттер - 14.3%
Облыстық басқармалар - 28.6%

Дауыс саны: 7
The voting for this poll has ended on: 29 Шіл 2017 - 00:00

Жоба туралы

Сыр өңірінің тумасы, қайсар қаламгер, ақын Зейнолла Шүкіровтің рухына арналған «Бір жұлдыз болып жанам мен» атты облыстық жас ақындар мүшәйрасы өтті.

 «Руханиятты жаңғырту» қоғамдық қоры мен республикалық әдеби-мәдени, тарихи-танымдық «Әлімсақ» журналы Зейнолла Шүкіровтің рухына арнап биыл төртінші рет дәстүрлі «Бір жұлдыз болып жанам мен» атты талантты жас ақындар мүшәйрасын ұйымдастырды. Биылғы жылдың жеңімпазы - М.Мәметова атындағы Қызылорда гуманитарлық колледжінің студенті Нәбира Ешниязова.

 

 

Редакцияға хат

Email:
Тақырып:
Текст:

Әлеуметтік желілер

Күнтізбе

<< < Мамыр 2015 > >>
Дс Сс Ср Бс Жм Сб Жс
        1 2 3
4 5 6 7 8 9 10
12 13 14 15 16 17
18 19 20 21 22 23 24
25 26 27 28 29 30 31

As we continue our list of fantasy football”s top 101 PPR players of 2017 we have three players who have recently finished in the top-15 at their positions.

In fantasy football there will always be players who have an unexpected drop or rise from one year to the next. One player on today’s list was a top-six wide receiver in 2015. The next year,Vince Wilfork Jersey he wasn’t even a top-20 wide receiver.

The same can be said about a running back on today’s list who was a top-five running back in 2015. Last year, he wasn’t even a top-18 running back. Who are these players and what should we expect from them in 2017?

To be clear,J.J. Watt Jersey the top 101 PPR players are for re-draft leagues only. Here’s a look at players ranked No. 38-36:

Last season Patriots wide receiver Julian Edelman finished fourth in the NFL in receptions with 98. He also set a career-high in receiving yards with 1,106. In the end,Brian Cushing Jersey Edelman finished 2016 as the 15th PPR wide receiver. Unfortunately for Edelman, I see a regression coming his way in 2017.

The 2016 season was only the second time in Edelman’s eight-year career he played in all 16 games in a season. The other time came back in 2013. Going into 2017, the odds are against the 31-year old receiver to play in all 16 games in back-to-back years for the first time in his career. Even if he somehow manages to stay healthy for all 16 games, he’s sure to lose targets and receptions.

Last year Patriots star tight end Rob Gronkowski had a career-low 25 receptions. Gronk was never 100 percent during the 2016 season and only appeared in eight games. Going into 2017,DeAndre Hopkins Jersey he will be back to full strength. Also, the Patriots traded their 2017 first-round pick for Saints wide receiver Brandin Cooks. The former Oregon State Beaver will be the team’s new No.1 wide receiver.

Журнал туралы

«Әлімсақ» журналы – рухани серігіңіз

 Қазақтың ғасырлар қойнауынан тамыр тартқан, әлімсақтан келе жатқан хатқа түскен тарихының, ұлттық болмыс-бітіммен астасқан әдебиеті мен мәдениетінің, тілі мен дінінің, әдет-ғұрпы мен салт-дәстүрінің бірден-бір насихатшысы, Сыр бойының тарихында алғаш рет әдеби-мәдени, тарихи-танымдық бағытта жарық көрген «Әлімсақ» журналының оқырманына жол тартқанына алты жылға жуық уақыт болып қалды. 2009 жылдың сәуір айынан бастап алғашқы нөмірі жарыққа шыққалы бері қазақ әдебиеті мен тарихына қатысты мақалаларды ортаға салып, Сыр өңірінің мәдениеті мен өнерін насихаттап, облысымыздың бүгінгі мәдени, әлеуметтік дамуындағы өзгерістерді ақпараттандыруда журналдың қосып келе жатқан үлесі салмақты.