Бас редактор бағаны

"Әлімсақ" журналының бас редакторы, филология ғылымдарының кандидаты

Нұрлан Көбегенұлы Нұрмаханов

 Бас кеспек болса да...

Журналға тіркелу

Валют бағамы

Ежедневные курсы валют в Республике Казахстан

Серіктестер

Наурыз 2018

01 Наурыз 2018

«ЗЕРГЕРЛІК - ҚАНЫМЫЗДА БАР ӨНЕР»

Алтынмен аптап, күміспен күптеп, темірден түйін түйген зергерлердің еңбегі қай кезде де бағалы. Өйткені, өңі келіскен бұйымдардың барлығы он саусағынан өнер тамған шеберлердің қолынан шығады. Халқымыздың киелі өнерін жанына серік еткен жас зергер Бауыржан Жетпісәлиевтің туындылары да біздің назарымызды аудартпай қоймады. Әшекей бұйымдардың түр-түрін жасайтын Бауыржан тарихи оқиғалардың желісін де күміспен сөйлете біледі. Суретшілер Одағының мүшесі, халықаралық "Шабыт - 2017" фестивалінің, "Шебер - 2017" байқауының жеңімпазы атанған дарынды қолөнер шеберімен әңгімелесудің сәті түскен еді.

- Бауыржан Мұратұлы, зергерлік кез келген адам игеріп кете алатын өнер емес. Бұл өнерге қалай келдіңіз?

- Қолөнерге ден қойып, қабілетімді шыңдай түсуге әкем Мұрат Жетпісәлиевтің берген бағыт-бағдары ерекше ықпал етті деп есептеймін. Өйткені, әкем сурет өнерін жан-тәнімен сүйетін адам. Бүгінде Суретшілер Одағының мүшесі. Жеке көрмелері де өтіп тұрады. Әкемнің салған бейнелерін көріп өскендіктен болар, мектеп кезінен бастап сурет салуға деген қызығушылығым өте жоғары болды. Атам да шебер кісі болған екен. Қолөнер қазақтың тұрмыс-тіршілігімен біте қайнасып кеткен дүние ғой. Зергерлік төзімділікті, ұшқыр қиялды, шебер суретші болуды талап етеді. Қазақ халқында қай заманда болмасын, ұсталық жолын ұстаған жандар көп болған. Демек, зергерлік дегеннің өзі - біздің қанымызда бар өнер.

- Әке тәлімін әрі қарай қалай шыңдадыңыз? Қай жерде білім алдыңыз?

- Мен Қызылорда облысының Арал ауданына қарасты Сексеуіл кентінде дүниеге келдім. Әдетте шағын ғана ауылда өнеріңді шыңдай түсуге көп мүмкіндік бола бермейді ғой. Сондықтан, орта мектепті тәмамдаған соң 2006 жылы Шымкент қаласындағы Әбілхан Қастеев атындағы "Дизайн және өнер" колледжінің "Теріні өңдеу" мамандығына оқуға түстім. Мұнда Мейірлан Мәмбетақонов сынды білікті ұстаздан дәріс алдым. Терімен жұмыс істеудің қыр-сырын осында игердім. Колледжді аяқтаған соң 2010-2014 жылдар аралығында Темірбек Жүргенов атындағы Қазақ ұлттық өнер академиясында зергерлік мамандығы бойынша білімімді шыңдадым. Академиядағы ұстазым Сержан Баширов болды. Зергерліктің нағыз қайнаған ортасын осы қара шаңырақта көрдім десем қателеспеймін.

- Жеке жұмыстарыңыздың ішінен әшекей бұйымдардан бөлек күмістен жасалған картиналарды байқадық. Идеяны қайдан аласыз?

- Қандай да бір бұйымды жасауға кіріспес бұрын кітап оқимын. Бұл менің дағдыма айналып кетті. Әсіресе, тарихи еңбектерді бір шолып өтуді жан-дүнием қалап тұрады. Зергерлік бізге ата-бабамыздан жеткен мұра болғандықтан, оның астарында ұлтымыздың әдет-ғұрпы мен салт-дәстүрі, мәдениеті мен тарихы жатады. Халқымыздың өткен тарихын парақтай отырып, мен сайын даламыздың иісін, көшпенділердің бай мұрасын сезіне аламын. Бабалар мұрасы - идеяның қайнар көзі. Алдымен, санама әр түрлі бұйымдардың сұлбасы келеді. Оны ақырындап қағаз бетіне түсіремін. Содан соң кітаптарға үңілемін. Адамның қиялын, рухани әлемін шыңдауға кітаптан артық дүниенің қажеті де жоқ. Табиғат аясына шығып, іштей сырласамын. Осындай ізденістерден соң көкейде жүрген идеялар жарыққа шығады.

Read more

ӘРБІР АНА ӨЗ ДЕНСАУЛЫҒЫ МЕН СӘБИІН ОЙЛАУ ҚАЖЕТ

Өмірге қалаулы және дені сау бала келуі үшін әрбір әйел өзінің ұрпақ жалғастыруға қабілетті денсаулығын қалай сақтау керек екендігін білуі керек. Ұрпақ жалғастыруға қабілетті денсаулық - бұл өмірдің барлық кезеңінде ұрпақ жалғастыруға қабілетті жүйке ауруларының болмаған кезіндегі толық физикалық, ақыл-ой және әлеует жағдайы. Сондықтан өмірге сәби әкелу отбасын жоспарлаудан және отбасын құрудан тұрады. Отбасын жоспарлау - қалаулы балалардың ғана тууын білдіретін әйел өміріндегі маңызды кезең. Ал, отбасын құру әдісі - отбасылық жұптарға алдын ала жоспарлау арқылы көп қиындықтардың алдын алады, мысалы, жүктілікті жоспарлау, бала күтімі, қажетсіз жүктілікті, бала көтеру уақытының арақашықтығын жоспарлау, ата-ананың жасына байланысты бала көтеру т.б.

Ұрпақ өрбіту жасындағы әйелдердің денсаулығы салыстырмалы түрде жақсы деуге болады. Босануға келген әйелдердің көп бөлігінде қаназдық (анемия) бар. Бұл әйел организміндегі қоректендіргіш, соның ішінде оттегіні тасымалдаушы қызыл түйіршіктің жетіспеушілігінен туындайды. Жүкті әйелдегі қаназдық ең алдымен құрсақтағы ұрыққа зардабын тигізеді. Сол себептен жаңа туылған нәрестеде, мүмкін әрбір екіншісі, немесе үшіншісінде перинаталды энцефалопатия анықталып жатады. Бұған басты себеп - анасындағы қаназдық.

Болашақ ананың жақсы тамақтануы маңызды. Ұрықтың даму барысына әсер ететіндіктен, витаминдер қажет мөлшерден аз болмауы керек. Сондықтан күнделікті тамақтануда көкөніс, жеміс-жидек шырындары болуы қажет. Жүкті әйелдің ағзасына қажетті ақуыз, майлар мен көмірсулардан басқа минералды заттар мен дәрумендер керек. Басты қағида - күнделікті тамағын неғұрлым түрлендіру, ас қабылдау режимін бұлжытпай сақтау, тамақты шақтап ішу, жайлы ас қорытуға арналған жағдай тудыру. Егер тамақтану режимін сақтап, пайдалы азықтарды шақтап жесе, жүктілік те табиғат заңдылықтарына сәйкес өтеді.

Read more

СЫР ӨҢІРІНІҢ ҚАСИЕТТІ НЫСАНДАРЫ

   Елбасы "Болашаққа бағдар: рухани жаң­ғыру" атты бағдарламалық мақаласында жұрттың санасына жалпыұлтқа тән қасиетті және киелі орындар ұғымын мықтап сіңіру үшін "Қа­зақ­стан­ның рухани құндылықтары" немесе "Қазақстанның киелі жерлерінің географиясы" жобасын жүзеге асыруды тапсырды. Жобаның негізгі орындаушысы ретінде Қазақстан Республикасының Ұлттық музейі жанынан "Қасиетті Қазақстан" орталығы құрылды. Осы жоба аясында облыс бойынша біршама жұмыстар атқарылды. 2017 жылдың 17 тамызында ҚР Президенті жанындағы Қоғамдық сананы жаңғырту бағдарламасын іске асыру жөніндегі ұлттық комиссияның үшінші отырысында Қазақстан­ның жалпыұлттық маңызы бар қасиетті орындары тізімінің жобасы таныстырылып, облыс бойынша Қазақстанның жалпыұлттық қасиетті орындары тізіміне 12 тарихи нысан, өңірлік қасиетті орындардың тізіміне 35 тарихи нысан енгізілді. Қазақстан бойынша ен­гізілетін қасиетті нысандар бес топқа жіктелді.

1. Ерекше бағаланатын табиғи мұра ескерткіштері.

2. Археологиялық ескерткіштер және ортағасырлық қалалық орталықтар.

3. Діни және ғұрыптық орындар.

4. Тарихи тұлғаларға қатысты қасиетті орындар.

5. Саяси, тарихи оқиғаларға байланысты қасиетті орындар.

Тарих және мәдениет ескерткіштері "Қасиетті Қазақстан" ғылыми-зерттеу орталығының талаптары бойынша ұсынылды. Нысанның атауы, төрт жақты фотосуреттері, географиялық координаттары, тарихи нысанның зерттелуі және аңыз әңгімелер бойынша мәліметтер жинақталды. Бұл жұмыстардың атқарылуына Қызылорда облыстық тарихи-өлкетану музейі мен Қызылорда облысының тарихи-мәдени ескерткіштерді қорғау жөніндегі мемле­кеттік мекемесінің қызметкерлері зор үлесін қосты.

Read more

ҚАРА ҚУ

Қазақ даласындағы бірден-бір шежірелі аймақ - Ақтөбе облысындағы Ырғыз өңірі. Сонан ба, осыдан қырық жылдан астам уақыт бұрын атақ-данқы алты алашқа әйгілі бұл жерде тұз-дәм бұйырып, ай жарым уақыт болғаным бар.

Ай жарым уақыт бойы бір топ балықшы осы өңірдің Ырғыз ауданына қарасты "Байтақ" көлінен емін-еркін су маржанын сүздік. Ау көзіне мың бұралып, қалашынан ілінген ылғи сары сазан. Сеп-семіз. Бұл көлде үйрек-қаз дегенің алты ай жаз жыртылып-айырылады. Кәдуілгі құс мылтығыңның түкке керегі жоқ. Құс атаулы, әсіресе, сүңгуір үйректерді сары сазанмен бірге ау көзінен ертелі-кеш жалықпай аршып алып жатасың.

Біз болған Ырғыз көліне таяқ тастам жерде Нұра өзені жайбарақат құйып жатыр. Жұп-жуас. Жергілікті тұрғындар "астының ағысы қатты" деп біздің өзен суына шомыл­мауымызды өтінген. Қайдан, біз анау емес, мынау емес кәдімгі асау Аралдан емеспіз бе? Ендеше бұл дегенің не тәйірі?!

Осы ақкөздігімізден бәріміз тапа тал түсте Нұраға кетіп қала жаздадық. Су ішкілігі бар екен әлгінің. Құдай сақтап қалды.

Оншақты күннен соң тап сол жерге қостанып-қораланып көшіп келдік. Ырғыздың бұл тұсы қалың қамысты ну жыңғыл екен. Қарауытып кісі көңіліне әлдеқандай үрей отын себелейді. Алдында сол жердегі ауылдың үлкендері: "Шырақтарым, бұл жердің бүге-шүгесін біле бермейсіңдер. Сырт бала­ла­рысыңдар. Осы тұста киелі қара қу бар көрінеді. Кісі көзіне көп шалына бермейді. Сонау соғыстың соңғы жылы балық аулауға келген әуесқой орекеңдердің (орыстардың) бірін зым-зия алып кетіпті. Құс қайығындағы серігі су жұтып, қақалып-шашалып жағаға әрең тырнақ іліктіріпті. Байқаңдар",- деп жиі-жиі ескертіп жүрген.

Read more

ҚАЗАҚТЫҢ ДАЛА ФИЛОСОФИЯСЫ МӘСКЕУ МІНБЕРІНДЕ

 

Қылқаламның құдіретін тек сол әлемнің ішінде жүргендер ғана түсінеді. Өмір шын­дығын бейнелеу, қиял мен ойға ерік беру ар­қылы шығармашылық дүниелерді өмірге әкелу, іштен жарып шыққан туындыдан рухани шабыт алу кез келген адамның бойына біте бермейді. Бұл табиғат берген дарын мен қасиет арқылы қалыптасады. Әрбір туындының толыққанды аяқталып, көрерменге жол тартуына дейінгі аралықта суреткер шығар­маны ой өлшемі мен талғам биігінен өткізіп, жарыққа шығарады. Әрине, жансыз бейнеге жан бітіріп, сан түрлі бояуларға тіршіліктің тамырын сыйғызатын өнер иелері қандай да бір болмасын, құрметке лайық. Бірақ та, көптеген қылқалам шеберлері мақтаусүйер мансап­қор­лар секілді биліктің алдына түсіп, беделін тү­сірмейді. Атақ-абырой жолында ардан атта­майды. Өмірде шығарма­шылықтан нәр алып, бейнелеу әлемінің биігіне шыққан суретші Ералы Оспанов еткен еңбегі мен төккен терін салмақ қылып, атқамі­нер­лерден атақ сұрау үшін жаса­майды, қазақтың рухани мұрасын толықтырып, елге еңбек етеді.

Расында, саналы ғұмырын бейнелеуге арнаған, қарапа­йымдылықты қағида еткен Ералы Оспанұлының қо­лы­нан шыққан графикалық туындылар бүгінде ел ішінде ғана емес, алыс-жа­қын мемлекеттердің көр­меле­ріне қойылып, шетел­діктердің назарына ілікті. Бейнелеу өнерін биік өнерге балайтын шетелдіктерге бір реттік суреттермен танылу мүм­кін емес. Шығармашылықта шек бол­майды деген жер-әлемді шарлаған түсінікке салсақ, Ералы Оспанұлының суреткерлік шеберлігі көптің ықыласын өзіне аударды. Мұның астарында ұлтқа деген қызмет, өткенге деген сағыныштың лебі жатыр. Себебі біз сөз еткелі отырған Ералы Оспанұлы қазақтың әлімсақтан бергі тарихын көз алдына әкелетін, көшпелі қазақтың байырғы тіршілігін қылқа­ламның құдіретімен бейнелеген суретші. Бұл әдеттегідей тапсырыспен жасалатын туын­ды­лар емес, аса бір ізденіспен, тарихи себеп­тердің шындығын іздеумен өмірге келеді.

 

Read more

СЫР ӨҢІРІНІҢ ҚАСИЕТТІ НЫСАНДАРЫ

Елбасы "Болашаққа бағдар: рухани жаң­ғыру" атты бағдарламалық мақаласында жұрттың санасына жалпыұлтқа тән қасиетті және киелі орындар ұғымын мықтап сіңіру үшін "Қа­зақ­стан­ның рухани құндылықтары" немесе "Қазақстанның киелі жерлерінің географиясы" жобасын жүзеге асыруды тапсырды. Жобаның негізгі орындаушысы ретінде Қазақстан Республикасының Ұлттық музейі жанынан "Қасиетті Қазақстан" орталығы құрылды. Осы жоба аясында облыс бойынша біршама жұмыстар атқарылды. 2017 жылдың 17 тамызында ҚР Президенті жанындағы Қоғамдық сананы жаңғырту бағдарламасын іске асыру жөніндегі ұлттық комиссияның үшінші отырысында Қазақстан­ның жалпыұлттық маңызы бар қасиетті орындары тізімінің жобасы таныстырылып, облыс бойынша Қазақстанның жалпыұлттық қасиетті орындары тізіміне 12 тарихи нысан, өңірлік қасиетті орындардың тізіміне 35 тарихи нысан енгізілді. Қазақстан бойынша ен­гізілетін қасиетті нысандар бес топқа жіктелді.

1. Ерекше бағаланатын табиғи мұра ескерткіштері.

2. Археологиялық ескерткіштер және ортағасырлық қалалық орталықтар.

3. Діни және ғұрыптық орындар.

4. Тарихи тұлғаларға қатысты қасиетті орындар.

5. Саяси, тарихи оқиғаларға байланысты қасиетті орындар.

Тарих және мәдениет ескерткіштері "Қасиетті Қазақстан" ғылыми-зерттеу орталығының талаптары бойынша ұсынылды. Нысанның атауы, төрт жақты фотосуреттері, географиялық координаттары, тарихи нысанның зерттелуі және аңыз әңгімелер бойынша мәліметтер жинақталды. Бұл жұмыстардың атқарылуына Қызылорда облыстық тарихи-өлкетану музейі мен Қызылорда облысының тарихи-мәдени ескерткіштерді қорғау жөніндегі мемле­кеттік мекемесінің қызметкерлері зор үлесін қосты.

 

Read more

СЫР ӨҢІРІНІҢ ҚАСИЕТТІ НЫСАНДАРЫ

Елбасы "Болашаққа бағдар: рухани жаң­ғыру" атты бағдарламалық мақаласында жұрттың санасына жалпыұлтқа тән қасиетті және киелі орындар ұғымын мықтап сіңіру үшін "Қа­зақ­стан­ның рухани құндылықтары" немесе "Қазақстанның киелі жерлерінің географиясы" жобасын жүзеге асыруды тапсырды. Жобаның негізгі орындаушысы ретінде Қазақстан Республикасының Ұлттық музейі жанынан "Қасиетті Қазақстан" орталығы құрылды. Осы жоба аясында облыс бойынша біршама жұмыстар атқарылды. 2017 жылдың 17 тамызында ҚР Президенті жанындағы Қоғамдық сананы жаңғырту бағдарламасын іске асыру жөніндегі ұлттық комиссияның үшінші отырысында Қазақстан­ның жалпыұлттық маңызы бар қасиетті орындары тізімінің жобасы таныстырылып, облыс бойынша Қазақстанның жалпыұлттық қасиетті орындары тізіміне 12 тарихи нысан, өңірлік қасиетті орындардың тізіміне 35 тарихи нысан енгізілді. Қазақстан бойынша ен­гізілетін қасиетті нысандар бес топқа жіктелді.

1. Ерекше бағаланатын табиғи мұра ескерткіштері.

2. Археологиялық ескерткіштер және ортағасырлық қалалық орталықтар.

3. Діни және ғұрыптық орындар.

4. Тарихи тұлғаларға қатысты қасиетті орындар.

5. Саяси, тарихи оқиғаларға байланысты қасиетті орындар.

 

Read more

АЛМАС АЙТҚАН АСЫЛ СӨЗДЕР

Бала кезімізде таң намазына азан шақырғанда әкеміз бізді оятып жүрелетіп отырғызып қоятын. Азан оқып болысымен біздер қайтадан көрпенің астына қойып кетеміз. Содан таңғы намазға тұру әдетке айналды. Балаларының таң ұйқысы бұзылғанына жаны ашыған анамыздың ренішіне: "Аллаһу-акбар" деген сөзді үш қайтара естігеннен артық сауап жоқ" - деп жауап берді жарықтық. Содан әкеміздің  көзі кеткенше таң намазының азанымен бірге оянып жүрдік.

***

Елде отырғанда малының көптігінен ба, есер­леу келген Сансызбай дейтін көршіміз болатын. Перзентсіз еді. Адамның тілегінен ғой, бірде Сансызбайдың әкем намазға тұрғанда зіркілдеп келмесі бар ба?! "Әй, қожеке,- деді есікті теуіп ашып, - Аллаңнан сұра, маған көзі соқыр, ауру, есі дұрыс емес қыз берсін". Әкем намазын оқып болғанша шыдамай, қайта шығып кетеді. Дәл осы әңгіме үш күн қатарынан қайталанды. Ақырында анамыз шыдамай, "Құдайдан жақсы тілек сұра­майсың ба?" деп сөкті. Содан не керек, Сансыз­бай жасы елуден асқан шағында қызды болды, өзі сұрағандай көзі соқыр, науқас болды. Ол апамыз әлі бар.

***

Қыс түссе ауылдағылардың айнымас кәсібі бар. Мұз ойып, нәрете құрып, балық аулаймыз. Өзге жұрттың нәретесі шоршыған балыққа толы болса, біздің күні бойына аулаған балығымыз оннан аспайды. Оны қойшы, үйге келген соң, "мына балықты көкеңе, мына балықты бөкеңе бер" деп бөлгеннен кейін екі шабақ қалса, қуа­намыз. Бірде балықты аршып жатып анамыз: "Бір-екі балықты қақтап қойсақ, балаларға нәпақа болар еді" деді. Әкем көпке дейін үнсіз отырып, әлден уақытта: "Жерге егін еккен егінші, қақпан салған аңшы, ау салған балықшы кәсіптің егесі ғой. Әу деп, жерге дән сеуіп, қақпан құрып, ау салып жатқанда "халықтың несібесі" деп салады. Алла соны қабыл етті ғой, Аллаға берген антым бар, халықтың несібесі дегеннен кейін халық ауыз тиюі керек. Балық бәсін алады, артық пайда бала-шағаңа кесірін тиігізеді. Оттың басының аман болғаны жақсы" деді. Апам үндемей қалды. Үйге келіп жатқан дүниенің өзгелерге де теңдей бөлінетін себебін енді ұқтым.

***

 

Read more

ХАЛЫҚТЫҢ ҚАМЫН ОЙЛАСАҢ, ҚАРДАРЫҢ СОНЫҢ ІШІНДЕ

Қобызды қолдамайды, бұл заман!

Кішкентай Алмас ұйқысынан шошып оянды. "Әке, әке!". Бала жастықтан басын көтеріп алып: "Қобыз тартамын!" деді жұлып алғандай. Баласының ұйқысырап жатқанын сезіп жатқан әкесі: "Жау қырылып қалды-ау, жау қырылып қалды-ау" деп күбірлеп дұғасын оқыды. Бұл сөзін бастамас бұрын айтатын "биссимиласы" еді. Әкесінің дауысын естіген бала тынышталып, жастыққа басын қойды. Көз алдына ақ шапанды ақсақалдар елестеді. Қорқыт әулиенің мазарына зиярат етіп келетіндер сияқты. Арасында шоқша сақалды, бет біткеннің әдемісі Қалжан ахунның баласы Мақан мақсұм, Қарақалпақстанның Төрткөлінен келетін Махан мақсұм, Омық мақсұм, Жүніс молда, Іскендір молда көрінді. Ақ көйлек, ақ дамбал киіп, тақиясының сыртына ақ орамал бос жіберетін осы атасы үйге жете бере, "Қожеке, қиямет жақын, қиямет жақын" деп күңіренуші еді. Онысы несі?! Бәрін де танып тұр. Құрақ ұшып қарсы алып, қолдарына су құйып, аяғының ұшымен жүріп қызмет ететін аталары... Алмастың кеудесіне сыймай тарсылдаған жүрегі саябырсығандай болды, сәлден соң бірқалыппен тыныстап ұйқыға бас қойды.

Таңертең әкесі Алматұлы Нұрмақан қожа Энгельсте тұратын Баязит қожаға барып, домбыра алып келді. Алмасты шақырып алып: "Балам, қобызды бұл заман қолдамайды, домбыра тартарсың" деп, алып келген аспабын қолына ұстатты.

Бесінші сыныпта оқып жүрген кезі. Бірде әкесі Олжабай жыраудың үйіне ертіп апарды. Амандық-саулықтан соң, келген шаруасына кірісіп:

- Олжеке, біздің Алмасжан өлең айтқысы келіп жүр-ау,- деді. Жырау жаңалықты естіп, қуан­ғанын білдірді. - Сауабы молдау өлең жаттаса деп едім,- деді әкесі сөзін жалғап. Олжабай жырау "қисық әріптермен" жазылғанын ескертіп, бірнеше дәптерді көрсетті. Дәптерді парақтап, көз жүгіртіп көрген соң, әкесі "бірдеңе қылармын" деп, алып кетті. Сөйтсе, бұл жәдидше жазылған Сыр өңірінің ақын-жырауларының жырлары екен. Содан күн сайын құтпан намазынан кейін әкесі Алмасты шақырып алып, өлеңді дауыстап оқиды. Бала әкесінің айтқанын қағазға кириллицамен түсіреді...

 

Read more

НАРКОМ ТЕМІРБЕК ЖҮРГЕНОВ НЕМЕСЕ ЖҮРГЕНОВТЕР ОТБАСЫНЫҢ ТРАГЕДИЯСЫ

Қайғылы 1937 жылы КСРО және республикалық НКВД органдары мифтік ұлтшыл-буржуазиялық ұйымдарды жою мақсатында терең ойластырған кең масштабты операция өткізді. Нәтижесінде, бірқатар қоғам және мемлекет қайраткерлері жалған айыптармен қамауға алынды. Әдепкі ұсталғандардың ішінде С.Қожанов, С.Есқараев, Т.Жүргенов және басқа да қазақтың аяулы азаматтары болды. С.Қожанов Ташкент қаласында ұсталды. Кейін оны Мәскеуге алдыртып, тергеуін КСРО НКВД-нің өзі жүргізді. Алдын ала тергеу барысында НКВД қызметкерлері алпысқа жуық "ұлтшылдардың" тізімін жасаған екен. Осы тізімнің бетінде қолмен жазылған мынадай сөздер бар: "Неполный, далеко неполный состав членов националистической организации". Бұл қаралы белгіні қалдырған адам белгісіз. Бірақ, оның жоғарғы лауазым иесі екені анық. "Ұлтшылдармен" күресу науқаны осылайша Мәскеуде әзірленген болатын. Қазақстанда "ұлтшыл­дармен" күресуді жүргізген белгілі жендет Залин Лев Борисович. Ол 1935-1937 жылдары республикалық қауіпсіздік органдарын басқарған. Кейіннен қызмет бабымен Мәскеуге қоныс аударған. Орталық НКВД-нің бөлім бастығы болған. 1938 жылы "шетел барлауының агенті" ретінде қамауға алынған. Тергеуге берген жауаптарының бірінде ол былай депті: "Мен Ягода, Мирзоян және басқаларымен қылмыстық байланыста болғаным рас. 1937 жылы Мирзоянның нұсқауымен Жүргенов, Есқараев, Садуақасов, Сырғабеков, Қабылов және Досовты тұтқынға алудан құтқаруға тырыстым...".

 

Read more

Іздеу

Сауалнама

Бүгінгі күні оқушылар мамандықты қалай таңдайды?

Ата-анасының қалауымен - 60%
Өз таңдауына сүйенеді - 0%
Гранты бар мамандықтарға барады - 0%
Көпшілік таңдауына мән береді - 10%
Шет аймақтардағы ұпайы аз мамандықтарға беттейді - 30%

Дауыс саны: 10
The voting for this poll has ended on: 17 Қаң 2018 - 00:00

Жоба туралы

Сыр өңірінің тумасы, қайсар қаламгер, ақын Зейнолла Шүкіровтің рухына арналған «Бір жұлдыз болып жанам мен» атты облыстық жас ақындар мүшәйрасы өтті.

 «Руханиятты жаңғырту» қоғамдық қоры мен республикалық әдеби-мәдени, тарихи-танымдық «Әлімсақ» журналы Зейнолла Шүкіровтің рухына арнап биыл төртінші рет дәстүрлі «Бір жұлдыз болып жанам мен» атты талантты жас ақындар мүшәйрасын ұйымдастырды. Биылғы жылдың жеңімпазы - М.Мәметова атындағы Қызылорда гуманитарлық колледжінің студенті Нәбира Ешниязова.

 

 

Редакцияға хат

Email:
Тақырып:
Текст:

Әлеуметтік желілер

Күнтізбе

<< < Наурыз 2018 > >>
Дс Сс Ср Бс Жм Сб Жс
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

As we continue our list of fantasy football”s top 101 PPR players of 2017 we have three players who have recently finished in the top-15 at their positions.

In fantasy football there will always be players who have an unexpected drop or rise from one year to the next. One player on today’s list was a top-six wide receiver in 2015. The next year,Vince Wilfork Jersey he wasn’t even a top-20 wide receiver.

The same can be said about a running back on today’s list who was a top-five running back in 2015. Last year, he wasn’t even a top-18 running back. Who are these players and what should we expect from them in 2017?

To be clear,J.J. Watt Jersey the top 101 PPR players are for re-draft leagues only. Here’s a look at players ranked No. 38-36:

Last season Patriots wide receiver Julian Edelman finished fourth in the NFL in receptions with 98. He also set a career-high in receiving yards with 1,106. In the end,Brian Cushing Jersey Edelman finished 2016 as the 15th PPR wide receiver. Unfortunately for Edelman, I see a regression coming his way in 2017.

The 2016 season was only the second time in Edelman’s eight-year career he played in all 16 games in a season. The other time came back in 2013. Going into 2017, the odds are against the 31-year old receiver to play in all 16 games in back-to-back years for the first time in his career. Even if he somehow manages to stay healthy for all 16 games, he’s sure to lose targets and receptions.

Last year Patriots star tight end Rob Gronkowski had a career-low 25 receptions. Gronk was never 100 percent during the 2016 season and only appeared in eight games. Going into 2017,DeAndre Hopkins Jersey he will be back to full strength. Also, the Patriots traded their 2017 first-round pick for Saints wide receiver Brandin Cooks. The former Oregon State Beaver will be the team’s new No.1 wide receiver.

Журнал туралы

«Әлімсақ» журналы – рухани серігіңіз

 Қазақтың ғасырлар қойнауынан тамыр тартқан, әлімсақтан келе жатқан хатқа түскен тарихының, ұлттық болмыс-бітіммен астасқан әдебиеті мен мәдениетінің, тілі мен дінінің, әдет-ғұрпы мен салт-дәстүрінің бірден-бір насихатшысы, Сыр бойының тарихында алғаш рет әдеби-мәдени, тарихи-танымдық бағытта жарық көрген «Әлімсақ» журналының оқырманына жол тартқанына алты жылға жуық уақыт болып қалды. 2009 жылдың сәуір айынан бастап алғашқы нөмірі жарыққа шыққалы бері қазақ әдебиеті мен тарихына қатысты мақалаларды ортаға салып, Сыр өңірінің мәдениеті мен өнерін насихаттап, облысымыздың бүгінгі мәдени, әлеуметтік дамуындағы өзгерістерді ақпараттандыруда журналдың қосып келе жатқан үлесі салмақты.